DALAWANG PROYEKTONG PABAHAY NG KYUSI IPAGKAKALOOB

KAUGNAY sa suliranin ng ating mga kababayan sa pabahay ay may pangunang proyektong pabahay ng lokal na pamahalaan ng Lungsod Quezon na biniling Oviedo property sa may Litex Road na 1.5 hectare ang laki.

        Inaasahan na 400 na bagong bahay ang itatayo sa nasabing property. Kabilang din proyektong pabahay ay ang Kaligayahan Housing Project na 4.4 ektarya naman na kasalukuyan ngayon isinasaayos para sa maipagkaloob sa 1,596 na pamilya.

        Ito ay dahil sa proyekto ng Lungsod Quezon upang isaayos o mailipat ang mga residente na nakatira sa ‘sidewalk’, ilalim ng tulay, high tension wires at ibabaw ng linya ng tubig ng MWSS.

Sa kasalukuyan ang lokal na pamahalaan ay hinihimok ang miyembro ng simbahan para sa isinagawang ‘Consultative Meeting’ na dinaluhan ni Rev. Honesto Ongtioco, Bishop of the Diocese of Cubao, Rev. Antonio Tobias, Bishop of the Diocese of Novaliches, Bro. Joseph Garcia ng Land and Housing Ministry ng Diocese of Novaliches at mga pari ng simbahan sa iba’t-ibang barangay sa Lungsod Quezon na tinalakay ang kahandaan sa kalamidad at pagbibigay ng pabahay.

        Sa naganap na pagpupulong ay sinuportahan naman ng kaparian ang mga plano ng lungsod hinggil sa binuong Local Housing Board na ilulunsad sa kalahatian ng buwan.

        Ayon kay Mayor Bautista, ang kahirapan at ‘squatter’ ay malaking malawak na suliranin ng lungsod subalit kinakailangan harapin ito at isaayos sa pamamagitan ng pagtutulungan ng lahat ng sector hindi lamang ng mga taga-kyusi kundi maging ng mga ahensya ng pamahalaan tulad ng National Housing Authority.

        Nilalayon nitong si Mayor Bautista na ang paglilipat ng paninirahan ng mga apektadong pamilya ay maisagawa na habang nasa panahon na bakasyon ang mga estudyante.

        Asahan din na ang mga opisyal din ng iba’t ibang paaralan sa Lungsod Quezon ay nakikipag-ugnayan sa paglilipatang lugar lalo na sa Southville 8, Barangay San Isidro, Rodriguez, Rizal upang hindi naman manibago ang mga estudyante.

        Ibig din ni Mayor Bautista na upang di makaramdam paninibago ang mga pamilyang ililipat ay tinitiyak din ng nasabing alkalde na magkakapit-bahay pa rin sila sa lilipatang lugar.

        Gayundin tinatayang nasa isang libong halaga bawat pamilya ang babayaran ng lokal na pamahalaan ng kyusi para sa metro ng ilang na ikakabit sa kanila sa lilipatang bahay.

Ayon naman sa Urban Poor Affairs Office (UPAO) sa pamumuno ni Ramon Asprer na tinatayang 10,731 pamilya na pawang ‘informal settlers’ ay nakitang nasa delikadong lugar na dapat umanong ilipat.