PSCIJOURN MEGA MANILA NAGKALOOB NG LIBRENG ANTI-RABBIES VACCINATION SA ILANG BARANGAY SA VICTORIA, TARLAC

NAKAMASID sina Raffy Rico ng Manila Star, Theresa Alpa-Reyes ng DWDD at Cathy Cruz ng DWAD habang binabakunahan ni Agriculture Technologist na si Dr. Eden P. Valete ang isang aso habang hawak ng isang residente ng Barangay San Nicolas, Victoria, Tarlac.

MULI na namang nagkaloob ng libreng anti-rabbies vaccinationation ang Philippine Science Journalist Mega Manila (PSciJourn Mega Manila) sa mga kababayan natin sa kanayunan.

Nitong Mayo 13, 2011 ay ilang barangay sa munisipalidad ng Victoria, Tarlac ang pinuntahan ng nasabing grupo na kinabibilangan ng Pangulong si Estrella Z. Gallardo ng Manila News Week, Ikalawang Pangulo Michael Balaguer ng diaryong tagalong.com, Secretary Veron Hernandez ng Greenfields Magazine, Treasurer Theresa Alpa-Reyes ng DWDD, Business Manager Maria Catherine Cruz ng DWAD, Adviser Dr. Ramat ng BSWM-DA, Sergeant-at-Arms Walberto Villamejor, Ways and Means Committee Rafael Rico at iba pang bagong miyembre na sina Mike Jotojot at Noli Liwanag.

Tinatayang 175 na aso at 2 pusa ang libreng nabakunahan ng mga Agricultural Technologist ng Department of Agriculture sa Victoria, Tarlac na sina Dra. Eden P. Valete, Marilou Gacusan at Victoria B. Lapira sa mga barangay ng Sta. Lucia 78 aso, Sta. Barbara 40 aso at San Nicolas na 57 aso ang naserbisyuhan ng nasabing proyekto.

Nagkaroon din ng pagkakataong makadaupang palad ng grupo ng PSCiJourn Mega Manila ang Alkalde na si Candido R. Guiam III at naging maganda ang pagtanggap ng butihing puno ng nasabing munisipalidad. Inaasahan na magkakaroon pa ng ibang proyekto ang grupo katuwang pa rin ang BSWM ng Kagawaran ng Agrikultura sa pamamagitan ng masipag at di nagsasawang tumulong na si Dr. Ramat.

NAGING mabunga ang pagtatagpo ng Philippine Science Journalist Mega Manila sa butihin at masipag na Alkalde ng Victoria, Tarlac na si Mayor Candido R. Guiam III (katabi rin an kanyang maybahay) dahil hindi lamang ito ang magsisilbing una at huling magiging magkatuwang ang mga personalidad para sa serbisyo publiko sa nasabing munisipalidad.